الاثنين، 5 ديسمبر 2011

على رصيف الديموقراطية



الزمان: 28 نوفمبر 2011 والمكان: رصيف اللجنة الانتخابية الخاصة بصديقتى: حيث قدمت لى فتاة فى العشرينات كرسى لأجلس عليه،،، سألت الفتاة:
- انتخبتى يا حبيبتى؟
- لا، ماعنديش بطاقة
- ليه ما طلّعتيش بطاقة؟
- طلّعت يا استاذة، بس أبويا عاينها معاه، والله كان نفسى انتخب اوى،،،
- طيب معلش المرة الجاية تخلى البطاقة معاكى وتنتخبى
- انا والله ما كنتش احب اكون فى الظروف دى وأشتغل الشغلانة دى
- معلش كله خير والمرة الجاية تشتركى باذن الله
(حكت لى الفتاة انها تعمل خادمة عند السيدة صاحبة الكرسى)
وقالت لصديقتها: تعرفى لو أنا مثلا دخلت جوه من غير بطاقة وعملت أى حاجة،، هتبقى مسؤلية جامدة على الظابط ده،، هو هنا علشان يحافظ على الانتخابات وما يخليش اى حد يدخل،، لازم يشوف البطاقة بتاعة كل واحد،،، 
نعم هو هنا للحفاظ على اللجنة وهى هنا لتبرهن على نمو جنين الوعى والمشاركة

هناك 8 تعليقات:

Tamer Nabil Moussa يقول...

ازيك يانوسة عاملة اية

ربنا ينور طريق بلدنا وناسها

مع خالص تحياتى

sabry abo-omar يقول...

حوار جميل ومعبر عن حالة مصرية تتمنى تشارك وتتمنى تتقدم وتقدم لنفسها ولبلدها حاجة افضل.. احساسك بيها ومشاعرها كان جميل اوى وقدرتى توصفى فى كلمات بسيطة معاناتها مع الحياة واملها فى المستقبل. تحياتى

غير معرف يقول...

سلام عليكم يا دكتور إيناس

كيف العام الجديد معك ؟
إن شاء الله يكون خير عليك وعلى الدكتور صبري وكامل أسرتك ومصر كلها

nouusaelmasria يقول...

تامر: ازيك انت يارب تكون بخير وسنة سعيدة انشاء الله على مصر رغم حقد الحاقدين وعلينا جميعا

nouusaelmasria يقول...

يا دكتور صابر: يمكن انا قدرت انقل الحالة دى كويس لانى عشت مع صاحبتها واخريات ساعتين على الرصيف (مع انى انتخبت فى اللجنة بتاعتى فى دقيقة واحدة) : كنت اجلس على كرسى واتابع وسعيدة جدا لدرجة ان الظابط افتكرنى من الجمعيات الدولية لمراقبة الانتخابات :)فعلا كان حدث جيد جدا

nouusaelmasria يقول...

عزيزى أحمد: انت فين؟؟؟ واخبارك ايه؟؟؟ ميرسى على الامنيات الجميلة،،، فاكر من سنتين كتبت حاجة زى حصاد سنة مضت قبل ما ندخل سنة جديدة،، لكن السنة دى مافيش اى نفس لكتابة اى شىء،، ببساطة الصمت ابلغ من اى كلام عن الاوضاع واهم حاجة هى الدعاء لبلدنا والحمد لله انا متفائلة انه مصر هتفضل امنة باذن الله، ومهما حصل فى السنة اللى فاتت او هيحصل فى اللى جاية،، مافيش قدامنا بديل عن العمل زى ما كنا بنعمل قبل كده، هنستمر باذن الله،، تحياتى

mhmdwahab يقول...

كل عام و انتم جميعا بالف مليون خير و سلام و ان شاء الله تكون مصر كلها العام القادم فى احسن حال

nouusaelmasria يقول...

انشاء الله خير يا محمد،،،، وربنا يسلم بلدنا ،،، اللهم امين