باحبك يا بلدى
باحبك يا بلدى: ركنت عربيتى فى العباسيه، كان عندى مشوار عمل وبعدين اجتماع فى اداره مصر الجديده التعليميه اللى باتشرف انى اكون عضو فى مجلس أمناءها، رحت المشوار ورجعت لاقيت عربيتى متغطيه بأقمشه وبضاعه والباءع بيكمل عرض البضاعه عليها، عجبنى الم...شهد جدا، فقبل ما اطلع الاجتماع فى الاداره، قربت من العربيه واستأذنت البائع قلتله ممكن اصور ؟؟؟؟ بص لى واستغرب، فقلتله اصل دى عربيتى ، فقال لى اسف اشيل الحاجه؟ قلتله لا خد راحتك. ممكن تكمل كده ساعه كمان ، انا عاجبنى شكلها وهاصورها وضحكت ورحت الاجتماع وسيبته لعمله وسيبت العباسيه التى تخضع لحسابات وقوانين خاصه جدا مش عارفه ليه كنت مبسوطه ، هو كان لازم ازعل؟ واتضايق؟ وأكشر؟ اكيد لا، أصل انا باحب ............ بأحب مصر وأهل مصر ، يوم سعيد انشاء الله
هناك 4 تعليقات:
ممكن استلف العربية اوزع بيها شوية بضائع كل عام و انتم بخير بمناسبة المولد النبوى الشريف
كل سنه وانت طيب يا محمد ويارب كل أيام مصر تكون أعياد وسعاده وخير، أنت لو مكانى كنت هتتصرف ازاى؟ :)
الحقيقة لا اعلم و هل الحالة النفسية للشخص هتتقبل دة و لا لا طبعا بتختلاف من شخص الى اخر على العموم كنا في ميدان الدقى تحت الكوبرى انا و والدى كنا في مشوار و اشترينا سندويتشات جمبرى و سبيط من المحل اللى هناك ان كنتى تعرفية و قعدنا على كراسى كافية هناك اللى جنب محطة المترو لازوم الاكل فقط بدل ما ناكل و احنا واقفين عشان ملناش لا في الشيشة و لا بنحب نشرب فيها اى حاجة المهم الاكل على التربيزة و اذا شخص معدى مد ايدة و خد سندويتش بدون استاذان و مشى والدى تضايق صراحة لكنى قلت لة خلاص يمكن جعان و قلت للراجل تعالى خد واحد تانى شوح من بعيد بيدة و مشى الحياة في مصر عموما صعبة الرزق شحيح التلوث و الزحام والقبح قضى على أحلام الكثير حقيقى كتر خير انك لم تهينى ذلك الشخص و تزيدى من همومة و لكن يبقى هذا تصرف نبيل منك لكن فردى و ليس كل الناس مثلك
انت اتصرفت زى اهو، طبعا عندك حق الحالهالنفسيه بتفرق المهم نجتهد اننا نبقى أكثر حلما مع الاخريين بس انا بصراحه ما عملتش مجهود علشان اتصرف كده انا فعلا ما كنتش متضايقه :)
إرسال تعليق